खरीप पेरणीसाठी १००% अनुदानावर बियाणे; जाणून घ्या लाभ कसा घ्यायचा!

खरीप पेरणीसाठी १००% अनुदानावर बियाणे; जाणून घ्या लाभ कसा घ्यायचा!

भारत सरकारच्या राष्ट्रीय अन्न सुरक्षा आणि पोषण अभियानाच्या अंतर्गत, अन्नधान्य पिके, वाणिज्यिक पिके आणि राष्ट्रीय खाद्यतेल अभियान-तेलबिया यांच्या माध्यमातून पिकांच्या उत्पादकतेत वाढ करण्यासाठी आणि बियाणे बदलण्याच्या दृष्टीने प्रमाणित बियाणे वितरण आणि पीक प्रात्यक्षिकांचा कार्यक्रम राबविण्यात येत आहे.

शेतकऱ्यांसाठी १००% अनुदानावर बियाणे उपलब्ध
या योजनेंतर्गत शेतकऱ्यांना आर्थिक सहाय्य देण्यात येत असून, प्रति शेतकरी कमाल १ हेक्टरपर्यंत या अनुदानाचा लाभ घेता येणार आहे. खास करून सोयाबीन, भुईमुग, सुर्यफूल आणि तीळ या पिकांसाठी १००% अनुदानावर प्रमाणित बियाणे उपलब्ध होणार आहे.

अर्ज प्रक्रिया आणि नोंदणीची माहिती
शेतकरी महाडीबीटी या संकेतस्थळावर जाऊन बियाणे वितरण, प्रात्यक्षिक, फ्लेक्सी घटक, औषधे आणि खते यांसाठी अर्ज करू शकतात. प्रथम लाभार्थी निवड यादी दिनांक ३० मे २०२५ रोजी जाहीर केली जाईल.

इतर पिकांसाठीही अनुदान
भात, तुर, मुग, उडीद, मका, बाजरी, नाचणी, वरई या पिकांसाठीही प्रमाणित बियाणे अनुदानावर उपलब्ध आहे. शेतकऱ्यांनी ७/१२ उतारा आणि कोणतेही एक ओळखपत्र बियाणे वितरकाला दाखवून, अनुदान वजा केल्यावर फक्त लोकवाटा भरून प्रमाणित बियाण्याचा लाभ घ्यावा.

नोंदणी अनिवार्य
प्रमाणित बियाणे वितरण योजनेचा लाभ घेण्यासाठी शेतकऱ्यांची Agristack वर नोंदणी असणे आवश्यक आहे. अर्ज प्रक्रिया पहिला अर्ज, पहिला सेवा (FCFS) या तत्वावर चालेल, त्यामुळे लवकर अर्ज करणाऱ्यांना प्राधान्य दिले जाईल.

शेवटचा आवाहन
कृषि विभागाच्या वतीने शेतकऱ्यांना आवाहन करण्यात येत आहे की, प्रमाणित बियाणे वितरण या घटकाचा जास्तीत जास्त फायदा घ्यावा. अधिक माहितीकरिता आपल्या नजीकच्या कृषी विभाग कार्यालयाशी संपर्क साधावा.

महत्वाचे मुद्दे:
• सोयाबीन, भुईमुग, सुर्यफूल, तीळ यासाठी १००% अनुदान

• भात, तुर, मुग, उडीद, मका, बाजरी, नाचणी, वरई यासाठी प्रमाणित बियाणे अनुदानावर

• Agristack वर नोंदणी अनिवार्य

• अर्ज प्रक्रिया FCFS तत्वावर

• लाभार्थी निवड यादी ३० मे २०२५ रोजी जाहीर

• अर्ज महाडीबीटी संकेतस्थळावर करता येईल

शेतकऱ्यांसाठी ही योजना उत्पादन वाढीसाठी आणि उत्पन्न सुधारण्यासाठी एक मोठी संधी आहे. वेळेवर अर्ज करून अधिकाधिक लाभ मिळवण्याचा प्रयत्न करा.

हे पण वाचा : मान्सून जवळपास सक्रिय, या जिल्ह्यांत पुढील तीन-चार दिवस अतिवृष्टीचा इशारा!