पीएम किसान निधी योजनेचा 17 वा हप्ता कधी येणार?
पीएम किसान निधी योजनेचा 17 वा हप्ता कधी येणार?
पीएम किसान निधी योजनेचा 16 वा हप्ता 28 फेब्रुवारी 2024 रोजी शेतकऱ्यांच्या खात्यात जमा करण्यात आला.
जनतेच्या कल्याणासाठी केंद्र सरकार विविध योजना राबवत आहे. इतकेच नाही तर राज्य सरकारही शेतकऱ्यांसाठी विविध योजना राबवते. पीएम किसान सन्मान निधी योजना ही केंद्र सरकारद्वारे शेतकऱ्यांच्या फायद्यासाठी राबवली जाते. या योजनेअंतर्गत शेतकऱ्यांना वर्षाला 6000 रुपयांची आर्थिक मदत दिली जाते. शेतकरी आता प्रधानमंत्री किसान सन्मान निधी योजनेच्या 17 व्या हप्त्याची वाट पाहत आहेत. प्रधानमंत्री किसान निधी योजनेचा 16 वा हप्ता 28 फेब्रुवारी 2024 रोजी शेतकऱ्यांच्या खात्यात जमा करण्यात आला. पीएम किसान सन्मान निधीचा सतरावा हप्ता लवकरच शेतकऱ्यांच्या खात्यात जमा होणार आहे.
शेतकऱ्यांसाठी आनंदाची बातमी!
पंतप्रधान किसान सन्मान निधी योजनेची वाट पाहणाऱ्या शेतकऱ्यांसाठी एक आनंदाची बातमी आहे. शेतकऱ्यांच्या बँक खात्यात दोन हजार रुपये जमा केले जातील. पंतप्रधान किसान सन्मान योजने अंतर्गत शेतकऱ्यांना सहा हजार रुपये वार्षिक निधी मिळतो. हे पैसे थेट शेतकऱ्यांच्या खात्यावर जमा होतात. दर चार महिन्यांनी शेतकऱ्यांच्या खात्यात दोन हजार रुपये जमा होतात. पंतप्रधान मोदींच्या हस्ते फेब्रुवारी महिन्यात शेतकऱ्यांच्या खात्यावर पीएम किसानचा 16 वाह हफ्ता हस्तांतरित करण्यात आला होता.
लवकरच शेतकऱ्यांच्या खात्यात जमा होणार 2000 रुपये
आता शेतकरी प्रधानमंत्री किसान सन्मान योजनेच्या सतराव्या हप्त्याची वाट पाहत आहेत. सुमारे नऊ कोटीहून अधिक शेतकऱ्यांना या योजनेचा लाभ मिळणार आहे. पीएम किसान सन्मान निधी योजना ही मोदी सरकारची महत्वाकांक्षी योजना आहे. यामध्ये लाभार्थी शेतकऱ्याला प्रत्येकी सहा हजार रुपये निधी मिळतो. हा निधी तीन हफ्त्यांमध्ये दिला जातो. ही रक्कम दर चार महिन्यांनी दिली जाते. दर चार महिन्यांनी शेतकऱ्यांच्या थेट खात्यात दोन हजार रुपये केंद्र सरकारकडून जमा केले जातात.
शेतकऱ्यांसाठी सरकारची महत्त्वाकांक्षी योजना
प्रधानमंत्री किसान सन्मान निधी योजनेंतर्गत आता शेतकरी पुढच्या 17 व्या हप्त्याची आतुरतेने वाट पाहत आहेत. पंतप्रधान किसान योजनेचा पुढचा हप्ता त्यांच्या खात्यात कधी जमा होईल हे जाणून घेण्यासाठी प्रत्येकजण उत्सुक आहे. दरम्यान, पीएम किसान योजनेचा 17 वा हप्ता जून किंवा जुलैमध्ये जमा होण्याची शक्यता आहे.
या दिवशी शेतकऱ्यांच्या खात्यात जमा होणार पैसे
PM-KISAN चा 16 वा हप्ता फेब्रुवारीमध्ये जमा झाला होता, त्यामुळे आता PM-KISAN चा पुढील 17 वा हप्ता चार महिन्यांनंतर म्हणजेचजून किंवा जुलैमध्ये शेतकऱ्यांच्या खात्यात हस्तांतरित होण्याची शक्यता आहे. दरम्यान, प्रधानमंत्री किसान सन्मान निधी योजनेचा 17 वा हप्ता कधी जमा केला जाईल याबाबत कोणतीही अधिकृत माहिती नाही.
पंतप्रधान किसान योजनेचा 17 वा हप्ता हवा असेल तर शेतकऱ्यांना महत्त्वाची कामे करावी लागतील. पीएम किसान योजनेच्या सतराव्या हप्त्याचा लाभार्थी होण्यासाठी शेतकऱ्यांना ई-केवायसी पूर्ण करणे अनिवार्य आहे. याशिवाय शेतकऱ्यांच्या जमिनीची नोंदणी करणेही आवश्यक आहे. जर तुम्ही असे केले नाही तर तुम्हाला पीएम किसान योजनेच्या 17 व्या हप्त्यापासून दूर राहावे लागेल.
