विदर्भ, मराठवाड्यात पुढील 3 दिवस पावसाची शक्यता
विदर्भ, मराठवाड्यात पुढील 3 दिवस पावसाची शक्यता
मराठवाडा आणि विदर्भासह राज्याच्या अनेक भागात मुसळधार पाऊस झाला. त्यामुळे शेतकऱ्यांचे मोठे नुकसान झाले. हवामान खात्याने आणखी तीन दिवस मुसळधार पावसाचा अंदाज वर्तवला आहे.
हवामान विभागाने आज विदर्भातील बुलडाणा, वाशीम, अकोला आणि अमरावती जिल्ह्यात तसेच कोकणातील रागयगड, ठाणे आणि मुंबई जिल्ह्यात काही ठिकाणी वीजा आणि मेघगर्जनेसह हलक्या ते मध्यम पावसाचा अंदाज दिला. आणि हावेरी जिल्ह्यात काही ठिकाणी हलका ते मध्यम स्वरूपाचा पाऊस पडण्याची शक्यता आहे.
उद्या म्हणजेच मंगळवारी मराठवाड्यातील धाराशिव, बीड, लातूर, परभणी, हिंगोली आणि नांदेड तेसच मध्य महाराष्ट्रातील नगर, पुणे,सांगली, सोलापूर याशिवाय कोकणातील रायगड, ठाणे आणि मुंबई जिल्ह्यात काही ठिकाणी विजा आणि मेघगर्जनेसह पावसाचा अंदाज दिला. तर गुरुवारी सांगली, सोलापूर, धाराशिव आणि लातूर जिल्ह्यात काही ठिकाणी विजा आणि मेघगर्जनेसह हलक्या ते मध्यम पावसाचा अंदाज हवामान विभागाने दिला. नांदेड आणि हिंगोली जिल्ह्यातही काही ठिकाणी विजांसह हलक्या सरी पडण्याची शक्यता आहे.
शुक्रवारी सिंधुदूर्ग, कोल्हापूर, सांगली, सोलापूर, धाराशिव, लातूर आणि नांदेड जिल्ह्यात विजा आणि मेघगर्जनेसह हलक्या सरी पडतील, असाही अंदाज आहे. तर शनिवारी सोलापूर आणि धाराशिव जिल्ह्यात काही ठिकाणी विजा आणि मेघगर्जनेसह हलक्या पावसाचा अंदाज हवामान विभागाने दिला आहे
