कापसाच्या दरात पुन्हा कधी वाढ होणार? पुढं काय होईल?
कापसाच्या दरात पुन्हा कधी वाढ होणार? पुढं काय होईल?
गेल्या आठवड्यात कापूस दरात घसरण झाली आहे. अनेक बाजारपेठांमध्ये कापसाची सरासरी किंमत 200 ते 300 रुपये प्रति क्विंटलने कमी झाली आहे. त्यामुळे शेतकऱ्यांच्या चिंतेत भर पडली होती. कांद्याचे दर का घसरले? ती पुन्हा उठणार का? त्यामुळे शेतकरी चिंतेत आहेत. मात्र, या घसरणीची तीन प्रमुख कारणे आहेत.
गेल्या आठवड्यापासून कापूस दरात घसरण होत आहे. सरासरी भावपातळी ७ हजार ४०० ते ७ हजार ८०० रुपयांवरून सध्या ७ हजार २०० ते ७ हजार ७०० रुपयांपर्यंत कमी झाले. तर कमाल भावही नरमलेला दिसतो. गुजरात आणि महाराष्ट्रात कमाल भाव 8,200 रुपयांवरून 100 रुपयांनी कमी झाली आहे. तर कापसाचा भाव सध्या हमीभावादरम्यान आहे. म्हणजेच आपण असे म्हणू शकतो की कापसाची किंमत 200 ते 300 रुपये प्रति क्विंटलने कमी झाली आहे.
कापसाच्या भावात चढ उताराची चर्चा बाजारात आधीच झाली आहे. याचे मुख्य कारण मार्चचा शेवट आहे. मार्चच्या शेवटी, व्यापारी आणि व्यवसाय आपले खाते नवं जूनं करण्यासाठी करण्यासाठी व्यवहार कमी करतात किंवा थांबवतात. मिळालेल्या ऑर्डर्स तर पूर्ण करण्याच लागतात. पण दरवर्षी ही स्थिती आपल्याला दिसून येत असते. दुसरं कारण आहे, आंतरराष्ट्रीय बाजारात सुरु असलेले चढ उतार. आंतरराष्ट्रीय बाजारात कापसाच्या भावात चढ उतार सुरु आहेत. केवळ वायदेच नाही तर प्रत्यक्ष कापूस खरेदीचा भावही काहीसा नरमला. याचा परिणाम आपल्याला देशातील बाजारावर दिसून येतो.
हे ही पहा : आजचे ताजे बाजारभाव
तिसरे महत्त्वाचे कारण म्हणजे देशातील कापसाचा वाढलेला अंदाज. गेल्या आठवड्यात, तीन प्रमुख संस्थांनी देशाच्या कापूस उत्पादनाचा अंदाज वाढवले. अमेरिकेचा कृषी विभाग, कापूस वापर आणि उत्पादन समिती म्हणजेच सीसीपीसी आणि काॅटन असोसिएशन ऑफ इंडिया, या तीन संस्थांनी भारताच्या कापूस उत्पादनाचे अंदाज वाढवले. याचाही परिणाम तात्पुरता का होईना बाजारावर दिसून येत आहे.
आंतरराष्ट्रीय बाजारात कापसाचे भाव कमी झाले तरी अद्यापही देशातील कापसापेक्षा जास्तच आहेत. सध्या भारताच्या रुईचा भाव ९० ते ९४ सेंट प्रतिपाऊंडच्या दरम्यान आहेत. तर आंतरराष्ट्रीय बाजारातील भाव ९७ सेंट प्रतिपाऊंडच्या दरम्यान होता. त्यामुळे भारताच्या कापसाला निर्यातीसाठी आणखी मागणी आहे. तसेच भारताच्या सूत आणि कापडालाही उठाव मिळत आहे. सध्या मार्च एन्डमुळे व्यवहार काहीसे थंडावले असले तरी एप्रिलपासून व्यवहार पुन्हा पूर्वपदावर येतील.
एप्रिलमध्ये कापूस, सूत आणि कापडाचा उठाव पूर्वीच्या पातळीवर येऊ शकते. अशा प्रकारे कापसाच्या दरातील नरमाई थांबवल्याने किंमतीत सुधारणा होऊ शकते. बाजार तज्ज्ञांच्या मते, एप्रिलच्या पहिल्या किंवा दुसऱ्या आठवड्यात भावपातळी पुन्हा आधीच्या पातळीवर पोहोचण्याची शक्यता आहे.
शेतीविषयक अपडेटसाठी ॲग्रो क्रांती व्हॉट्सअप ग्रुपला जोडले जा👇
